მალაიზიის პრემიერ-მინისტრი უკვე გადაჭრით და ყოველგვარი ეჭვის გარეშე ამბობს, რომ გაუჩინარებულმა Boeing 777-მა ავიაკატასტროფა ინდოეთის ოკეანის სამხრეთ ნაწილში განიცადა.

მისივე თქმით, ბორტზე მყოფი ყველა ადამიანი დაღუპულია. ამის შესახებ პრემიერმა ნაჯიბ რაზაკმა სპეციალურ პრესკონფერენციაზე განაცხადა.

ნაჯიბ რაზაკის თქმით, უფრო დეტალური ინფორმაცია თვითმფრინავის შესახებ სამშაბათს გახდება ცნობილი.

Boeing 777, რომლის ბორტზეც 239 ადამიანი იმყოფებოდა რადარებიდან, აფრენიდან 2 საათში სამხრეთ ჩინეთის ზღვის თავზე გაუჩინარდა.

ნინა გოლოშვილი