საქართველოს სასჯელაღსრულებისა და პრობაციის სამინისტრო გეგუთის ციხეში მსჯავრდებულის გარდაცვალების შესახებ განცხადებას ავრცელებს.

„2014 წლის 23 მარტს, დაახლოებით 08:10 საათზე, სასჯელაღსრულების N14 (გეგუთის) დაწესებულებაში 1988 წელს დაბადებული მსჯავრდებული ა.მ. გარდაიცვალა.

მომხდარი მალევე ეცნობა ოჯახს. სიკვდილის გამომწვევი მიზეზის დასადგენად კი დანიშნულია სასამართლო-სამედიცინო ექსპერტიზა.

სასჯელაღსრულებისა და პრობაციის სამინისტრო მწუხარებას გამოთქვამს მომხდარი ფაქტის გამო და უსამძიმრებს გარდაცვლილის ოჯახის წევრებს“, - აღნიშნულია სამინისტროს მიერ გავრცელებულ განცხადებაში.

გავრცელებული ინფორმაციით პატიმარმა თავი ჩამოიხრჩო.

ნინა გოლოშვილი