ივანიშვილმა დანაპირები არ შეასრულა და რაგბის სტადიონის აშენებაზე უარი განაცხადა

საზოგადოება - 17:20, 21 Mar, 2014

2663

ბათუმში რაგბის სტადიონის მშენებლობა ბიძინა ივანიშვილის ფონდის ნაცვლად სახელმწიფო ბიუჯეტიდან დაფინანსდება:
„რაგბის სტადიონის მშენებლობისთვის თანხის გამოყოფით საკრებულო კანონს არღვევს“ - 2013 წელს ეს განცხადება "ნაციონალური მოძრაობის" წევრს გიორგი კირთაძეს ეკუთვნის, კირთაძემ მაშინ განმარტა, რომ მიწა რაგბის კავშირის საკუთრებაა, მას აჭარის მთავრობამ ფართი სიმბოლურ ფასად 1 ლარად გადასცა, აჭარის მთავრობამ კი ბათუმის საკრებულოს მიაკუთვნა.

საქართველოს რაგბის კავშირს 2014 წელის ივლისამდე სტადიონი უნდა აეშენებინა, დაფინანსება კი ქართუ ჯგუფს უნდა გამოეყო, მშენებლობა „ქართუ მენეჯმენტს“ უნდა ეწარმოებინა.
ბიძინა ივანიშვილი ხშირად ხაზს უსვამდა წინასაარჩევნო შეხვედრებზე, რომ ბათუმის რაგბის სტადიონი გამარჯვებისთანავე აშენდებოდა. თუმცა 1 ოქტომბრის შემდეგ ივანიშვილმა შეცვალა თავისი გეგმები და ირაკლი ღარიბაშვილს დაავალა სტადიონის მშენებლობა სახელმწიფო ბიუჯეტიდან დაფინანსებულიყო.
ჩვენი ინფორმაციით, ამ დღეებში ირაკლი ღარიბაშვილი ბათუმში აპირებს ჩამოსვლას და რაგბის სტადიონის მშენებლობის დაწყების პრეზენტაციას.
ჩვენ ამ სტატიით გვინდა გამოვეხმაუროთ ბატონ ირაკლი ღარიბაშვილს, ასევე ბიზნესმენ ბიძინა ივანიშვილს და ვუთხრათ რომ წინა წლებში სტადიონის მშენებლობა სახელმწიფო ბიუჯეტიდან ისედაც იგეგმებოდა, როგორც რაგბის ასევე ფეხბურთის სტადიონის.
აღსანიშნავია ისიც, რომ ამ ყველაფერს თან ერთვის ბათუმის რაგბის გუნდის წარუმატებლობაც, რაც აშკარად გამოჩნდა ირაკლი ჩავლეიშვილის (ბათუმის საკრებულოს თავმჯდომარე) გუნდის პრეზიდენტად მოსვლის შემდგომ. ბათუმლების აზრით კარგი იქნება თუ რაგბის სტადიონს ივანიშვილის „ქართუ ჯგუფი“ ააშენებს და თავის დაკისრებულ მოვალეობას შეასრულებს, ხოლო თანხა რომელიც სახელმწიფო ბიუჯეტიდან უნდა გამოიყოს სტადიონის ასაშენებლად სხვა სოციალურ პრობლემების მოგვარებას მოხმარდეს.
წყარო: benewsbatumi.com