"X Factor"-ის ჟიურიში გიორგი გაბუნია, სტეფანე და სოფო ტოროშელიძე იქნებიან

საზოგადოება - 18:06, 20 Mar, 2014

5635

"X Factor"-ის ჟიურის წევრების ვინაობა ცნობილია, ესენი არიან: გიორგი გაბუნია, სოფო ტოროშელიძე, სტეფანე და თამთა გოდუაძე.
სოფო ტოროშელიძე: სულ ახალი გადაწყვეტილებაა. ახალი ამპლუა და ახალი გამოცდილებაა და სიხარულით დავთანხმდი. რადგან არხის შოუების მუსიკალური ხელმძღვანელი ვარ, შედარებით მკაცრი ვიქნები. შესრულებასა და ვოკალს ყველაზე დიდ ყუარდღებას მივაქცევ. იმ კონკურსანტებიდან, ვისაც ჩვენ პროექტებში მიუღია მონაწილეობა, ვერც ერთი ვერ იტყვის, რომ ბოროტი და ცუდი ვარ. მეგობრული დამოკიდებულებით ვაღწევდი შედეგს. არც ახლა ვაპირებ ბოროტ ჟიურის წევრობას.
გიორგი გაბუნია: ამ პროექტში მონაწილეობაზე დაყოლიება საერთოდ არ გამჭირვებია. პროდიუსერებმა როგორც კი მითხრეს, მაშინვე დავთანხმდი. სულ იყო იმის მცდელობა, რომ გიორგი ხაბურზანიასთნ და დემნა ჯაფარიძესთან მეთანამშრომლა. მაგრამ არ გამოდიოდა..რადგან ეს თანამშრომლობა შედგა, ძალიან გამიხარდა, ამიტომ არც დავფიქრებულვარ. ასეთი მუსიკალური პროექტები მიყვარს, მაინტერესებს, ამიტომ შანსი გამოვიყენე. მით უმეტეს, ვიცი, რომ ისეთ პროფესიონალ ჯგუფთან მომიწევს თანამშრომლობა, რომელსაც დიდი გამოცდილება აქვს.
სოფო ტოროშელიძე: გამიმართლა იმაში, რომ ჟიურიში ჩემთან ერთდ კომპეტენტური ადამიანები მოხვდნენ. საინტერესო იქნება მათთან ერთად მუშაობა. ვისაუბრეთ და მუსიკალური გემოვნებით მე, სტეფანე და გიორგი ერთამენთთან ახლოს ვართ. საინტერესო და თანამედროვე შოუ გამოვა. დარწმუნებული ვარ, "რუსთავი 2" საკუთარ თავს აჯობებს.
წყარო: PrimeTimeNews