თბილისის სახელმწიფო უნივერსიტეტის იურიდიული ფაკულტეტის მაგისტატურის სტუდენტებისთვის სასჯელაღსრულების სამინისტროში პრაქტიკული სასწავლო კურსი (იურიდიული კლინიკა) დაიწყო. მომავალი იურისტები სასჯელაღსრულების კლინიკის ფარგლებში სამინისტროს სხვადასხვა უწყებებში პრაქტიკულ სწავლებას ერთი თვის განმავლობაში გაივლიან. სტუდენტები უკვე გაეცნენ ადმინისტრაციული დეპარტამენტის და სამართლებრივი უზრუნველყოფის დეპარტამენტების მუშაობის სპეციფიკას. ერთი თვის განმავლობაში კი ისინი სასჯელაღსრულების დეპარტამენტის, სასჯელაღსრულების დაწესებულებების, პრობაციის ბიუროებისა და თავისუფლების შეზღუდვის დაწესებულების მუშაობის სპეციფიკას შეისწავლიან.

თსუ-ს სტუდენტების მიერ სასჯელაღსრულების კლინიკის გავლა 2014 წლის 27 თებერვალს სასჯელაღსრულებისა და პრობაციის სამინისტროსა და თბილისის სახელმწიფო უნივერსიტეტის იურიდიულ ფაკულტეტს შორის ურთიერთშეთანხმების მემორანდუმის ფარგლებში გადაწყდა.

სასჯელაღსრულებისა და პრობაციის სამინისტრო თბილისის სახელმწიფო უნივერსიტეტთან უკვე დიდი ხანია თანამშრომლობს. იურიდიული ფაკულტეტის აკადემიური პერსონალი და სტუდენტები ჩართულნი არიან საკანონმდებლო ინიციატივების განხილვაში, ახორციელებენ ვიზიტებს პრობაციის ბიუროებსა და სასჯელაღსრულების დაწესებულებებში, ესწრებიან პირობით ვადამდე გათავისუფლების კომისიის სხდომებს.

სხვადასხვა უნივერსიტეტთან გაფორმებული მემორანდუმის ფარგლებში სტუდენტები სამინისტროში პრაქტიკას და სტაჟირებას გადიან, ზოგიერთ შემთხვევაში საქმდებიან კიდეც.