სამსახურის მაძიებელთა რიცხვი იზრდება

საზოგადოება - 11:17, 18 Mar, 2014

1954

„სამუშაო მაძიებელთა არმია იზრდება, ვაკანსიები კი მცირდება“, - ამ სათაურით სტატის გაზეთი „რეზონანსი“ აქვეყნებს. სტატიაში საუბარია საქართველოში ერთ-ერთ ყველაზე დიდ პრობლემაზე, რომელიც მოსახლეობის დასაქმებას ეხება. „დასაქმების ცენტრის ინფორმაციით, ბოლო რამდენიმე თვის განმავლობაში, იმ ადამიანების რიცხვმა ვისაც სამსახურის დაწყება სურთ, 10 პროცენტით მოიმატა. ხოლო სტატისტიკის ეროვნული სამსახურის მონაცემებით, დასაქმებულთა რიცხვი 2013 წელს 9 ათასი ადამიანით შემცირდა. როგორც დასაქმების ცენტრში აცხადებენ, თუ ადრე კომპანია ერთ გამოცხადებულ ვაკანსიაზე წერდა, რომ ხელფასი 1000 ლარი იქნებოდა, ახლა ეს თანხა 500-600 ლარამდე ჩამავიდა. ამასთან, თითქმის განახევრდა ვაკანსიების რიცხვიც. ამ ყველაფრის ფონზე გამორიცხული არ არის, რომ საერთაშორისო სავალუტო ფონდის მიერ ჯერ კიდევ რამდენიმე თვის წინათ გაკეთებული პროგნოზი გამართლდეს და საქართველოში ოფიციალურმა მაჩვენებელმა 2012 წელთან შედარებით წელს უმუშევართა რაოდენობა 17 პროცენტით გაიზარდოს,“ - წერს „რეზონანსი“. როგორც „რეზონანსთან“ საუბარში ექპერტი ეკონომიკის საკითხებში ზვიად კანდელაკი აცხადებს, პრობლემა დასაქმების სტრუქტურაშია. „საქართველოში დასაქმებულების 60 პროცენტზე მეტი სასოფლო თვითდასაქმებულთა წილზე მოდის. არასრული დასაქმებისა და ფარული უმუშევრობის დონე არის ძალიან მაღალი. „საქსტატის“ ბოლო მონაცემებით დამაიმედებელი სიტუცია ნამდვილად არ გვაქვს“, - აცხადებს „რეზონანსთან“ საუბარში კანდელაკი.