„მოქალაქე“ განცხადებას ავრცელებს

საზოგადოება - 11:37, 17 Mar, 2014

3051

არასამთავრობო ორგანიზაცია “მოქალაქე” განცხადებას ავრცელებს, რომელსაც „ნიუპოსტი“ უცველად გთავზობთ:
“მოქალაქე” მედია ორგანიზაციებს სთავაზობს ჟურნალისტებისთვის ტრენინგების ჩატარებას, კვალიფიციური ადგილობრივი და საერთაშორისო ექსპერტებისა და ორგანიზაციების მონაწილეობით. მიუხედავად იმისა, რომ ორგანიზაციას აქვს საკუთარი შეხედულება, თუ რა მიმართულებით იქნება ტრენინგების ჩატარება მნიშვნელოვანი, საჭიროდ მიიჩნევს, მიიღოს დამატებითი ინფორმაცია თავად მედიასაშუალებების ხელმძღვანელებისაგან, კონკრეტულად, რომელ საკითხებს თვლიან ისინი აქტუალურად და რაში საჭიროებენ მათდამი დაქვემდებარებული მედია ორგანიზაციების თანამშრომლები ცოდნის გაღრმავებას. ასევე გთხოვთ, წინასწარ გვაცნობოთ, რამდენ ჟურნალისტს დასჭირდება ტრენინგების გავლა სხვადასხვა მიმართულებით. მედია საშუალებების ხელმძღვანელებს ვთხოვთ, ინფორმაცია მოგვაწოდონ ორი კვირის განმავლობაში ელექტრონული ფოსტის საშუალებით შემდეგ მისამართზე info@mokalake.ge ტრენინგების დაწყებასა და ჯგუფების დაკომპლექტების თაობაზე გაცნობებთ დამატებით. წინასწარ გიხდით მადლობას თანამშრომლობისთვის”, - ნათქვამია განცხადებაში.