როლანდ ახალაია პატრიარქს თხოვნით მიმართავს

საზოგადოება - 18:28, 14 Mar, 2014

2949

დეპუტატი როლანდ ახალაია საქართველოს პატრიარქს ილია მეორეს მიმართავს და სთხოვს გააკეთოს განცხადება ზუგდიდში საპატრიარქოს რეზიდენციის აშენებასთან დაკავშირებით. „მინდა მივმართო პატრირქს, ვთხოვ, გააკეთოს განცხადება, ძალიან დიდი მოწიწებით და მორიდებით მე მინდა თხოვნით მივმართო, ჰქონდა თუ არა ასეთ ფაქტს ადგილი და არის თუ არა სიმართლე ის რასაც მე ვამბობ“,- ამბობს როლანდ ახალაია. მისი განცხადებით, პიროვნება, რომელიც საგამოძიებოს უფროსია, იყო ფარცხალაძის განუყრელი მეგობარი და მან მოაწყო ეს პროვოკაცია. ახალაიას განცხადებით, თანხა, რომელიც საპატრაიარქოსთვის იყო განკუთვნილი, - „ისევ იქ დევს. იქ უნდა აშენებულიყო მეგრული ოდა, სადაც დაისვენებდა პატრიარქი. თუმცა, შემდეგ მიწის გამოყოფა ვერ მოხერხდა. ალბათ ამაზეა საუბარი. ზუსტად არ ვიცი", - აცხადებს ახალაია. მისივე თქმით, "2009 წელს ზუგდიდში ჩამობრძანდა პატრიარქი, იყო დაახლოებით 3 დღე, იქ უნეტარესმა მეუფე გერასიმესთან ერთად გადაწყვიტა, ზუგდიდში, აშენებულიყო საპატრიარქოს რეზიდენცია. ჩვენ ერთად გავედით ამ ტერიტორიაზე, რომელიც მათ სამშენებლო მიწის სახით გამოუყვეს და დავათვალიერეთ ეს ადგილი, როდესაც სენაკში უწმინდესთან ერთად მოვდიოდით, მანქანაში უწმინდესმა მითხრა ესეთ რამ, იქნებ თქვენც ჩაუდგეთ სათავეში ამ საპატრიარქოს რეზიდენციის მშენებლობას, ამის შემდეგ მეუფე გერასიმესთან მქონდა საუბარი და ჩავედით ანაკლიაში, მიწაც მოვინიშნეთ, იქაც გვინდოდა, პატარა ოდა სახლი გაშენებულიყო პატრიარქისთვის და საპატრიარქოსთვის", - აცხადებს როლანდ ახალაია.
ცნობისთვის, პროკურატურა როლანდ ახალაიას წინააღმდეგ სისხლის სამართლებრივი დევნას იწყებს და პარლამენტის მისთვის დეპუტატის იმუნიტეტის შეჩერების მოთხოვნით მიმართავს.