საყდრისში უძველესი ოქროს მაღაროს არსებობა არ დადასტურდა, RMG Gold მუშაობას განაახლებს

საზოგადოება - 11:20, 14 Mar, 2014

1877

RMG Gold-ს დღეიდან საშუალება აქვს ოქროს მომპოვებელი სამუშაოები განაახლოს.
ამის შესახებ კულტურის სამინისტროში გამართულ ბრიფინგზე მინისტრის მოვალეობის შემსრულებელმა ალექსანდრე მარგიშვილმა განაცხადა.
ასევე ცნობილი გახდა, რომ სპეციალური კომისიის მიერ, რომელიც ორი თვის განმავლობაში აღნიშნულ ადგილს სწავლობდა, დაიდო დასკვნა სადაც წერია, რომ საყდრისში უძველესი ოქროს მაღაროს არსებობა არ დასტურდება. მისი განმარტებით, სამუშაოების განახლებასთან დაკავშირებით დასკვნა უკვე გაგზავნილი ინვესტორთან.
„მიღებული გადაწყვეტილება, კერძოდ დადებითი დასკვნა სამუშაოების განახლებაზე, გაგზავნილია ინვესტორთან. ეს დასკვნა გაცემულია იმ პირობით, რომ საერთაშორისო მასშტაბის ექსპერტებს ექნებათ საშუალება განახორციელონ მონიტორინგი იმ სამუშაობზე რომელსაც ინვესტორი უახლოეს საყდრისი-ყაჩაღიანში პერიოდს განაახლებს,“ - განაცხადა მარგიშვილმა.

პრემიერ-მინისტრმა სახელმწიფო უნივერსიტეტში გამართული შეხვედრისას განაცხადა, რომ ძალიან ბევრი მეცნიერი იყო ჩართული, შეიქმნა სპეციალური კომისია, რომელიც ორი თვის განმავლობაში აღნიშნულ ადგილს სწავლობდა და კომისიამ დადო დასკვნა, რომლის მიხედვითაც გაირკვა, რომ საყდრისის საბადო არ წარმოადგენდა განსაკუთრებულ ადგილს. "ის, რომ ოქროს მაღარო იყო, ეს არ არის დადასტურებული, ეს არის ვარაუდი. არ დასტურდება, რომ ეს არის ოქროს უძველესი მაღარო", - აღნიშნა პრემიერმა.