პრემიერი - ვერ დავეთანხმები იმას, რომ გიგანტური ჰესი სვანურ კულტურას გაანადგურებს

საზოგადოება - 13:22, 13 Mar, 2014

1737

მე ვერ დავეთანხმები იმას, რომ გიგანტური ჰესი სვანურ კულტურას გაანადგურებს, - ამის შესახებ პრემიერმინისტრმა ირაკლი ღარიბაშილმა სტუდენტებთან შეხვედრაზე განაცხადა.
სტუდენტი დაინტერესდა იმით, თუ რა პოლიტიკა გააჩნია პრემიერს კულტურულ პოლიტიკასთან დაკავშირებით და რას სთავაზობს ირაკლი ღარიბაშვილი ხაიშელებს.
"ჩვენ არ უნდა შევიყვანოთ საზოგადოება შეცდომაში. სვანური კულტურა არ დგას საფრთხის წინაშე, მე ვიქნები სვანური კულტურის დამცველი. ჩვენ ყველა მოქალაქის პოზიცია უნდა გავითვალისწინთ, უნდა მოხდეს პოზიციების შეჯერება, ჩვენ უნდა ავუხსნათ სვანებს ჩვენი ქვეყნისთვის და ენერგოუსაფრთხოებისთვის თუ რა მნიშველობა აქვს ამ ჰესის აშენებას. თუ ამ ყველაფრის შემდეგ მათ მაინც არ მოუნდებათ ჰესის აშენება და ექნებათ მყარი და სამართლიანი არგუმენტები, მე ამას რა თქმა უნდა, გავითვალისწინებ“, - განაცხადა ღარიბაშვილმა.

პრემიერი სტუდენტებს მოუწოდებს დასკვნები გააკეთონ კვლევების საფუძველზე.
„ზოგადი შეფასებები, რომ ტენიანობა მოიმატებს სვანეთში, ხუდეონჰესის აშენების შემდეგ და იქ რომელიღაც ხე აღარ გაიზრდება, ან ფრესკები შეიძლება დაზაინდეს, ეს არის არასწორი შეფასება. ფრესკებს სჭირდებათ მოვლა და პატრონობა“, - ამბობს ღარიბაშვილი.