6 აპრილიდან ხელისუფლება კარვებში შეასახლებულ მოქალაქეებს საცხოვრებელი პირობებით აღარ უზრუნველყოფს

საზოგადოება - 17:31, 12 Mar, 2014

1650

გორში კარვების ქალაქში მცხოვრებ ათამდე პირს მალე თავშესაფრის დატოვება მოუწევს. გორის მუნიციპალიტეტის გამგეობის მიერ განხორციელებულ სამთვიან პროექტს 6 აპრილს ვადა ეწურება, რის შედეგადაც უსახლკარო ადამიანებს ხელისუფლება აღარ შეინახავს. გორის მუნიციპალიტეტის გამგებელი პაპუნა კობერიძე აცხადებს რომ, სავარაუდოდ უსახლკაროთთვის აღნიშნულ პროექტს ადგილობრივი ხელისუფლება მომავალი წლისთვისაც განახორციელებს. ადგილობრივი ბიუჯეტიდან აღნიშნული პროექტის განხორციელებისათვის 15 ათასი ლარი იხარჯება. დღესვე კარვებში მცხოვრებ პირებს არასამთავრობო ორგანიზაცია "ადამიანი კანონი თავისუფლება"-ს წარმომადგენლები შეხვდნენ და ადგილზე არსებულ ვითარებას გაეცვნენ. აღნიშნული არასამთავრობო ქვეყნის მაშტაბით კარვებში შესახლებულ ბენეფიციარების საყოფაცხოვრებო მონიტორინგს ატარებს.

"რეკომენდაციებს ვაძლევთ ადგილობრივ ხელისუფლებას და რა პრობლემებიც არის იქიდან გამომდინარე ჩვენ ადეკვატურ ინფორმაციას ვაწვდით და ვფიქრობთ რომ, უფრო გაჯანსახდება, უფრო დაიხვეწება, ეს პროექტი და აღარ იქნებიან უსახლკარო ადამიანები. ჩვენი მიზანია და ალბათ ადგილობრივი ხელისუფლებისაც, რომ აშენდეს ისეთი საცხოვრებლები სადაც ეს ადამიანები უფრო კარგ პირობებში იქნებიან", - განაცხადა "ადამიანი კანონი თავისუფლება"-ს თავმჯდომარემ გიორგი ჭულუხაძემ "ნიუპოსტთან" საუბრისას.