2012 წელს ქვეყანაში 40 ათასი აბორტი გაკეთდა

საზოგადოება - 14:05, 11 Mar, 2014

1205

საქართველოს მთავრობის მიერ დემოგრაფიულ პრობლემებზე მომუშავე ჯგუფი შეიქმნა, რომელსაც პრემიერ-მინისტრი ირაკლი ღარიბაშვილი ხელმძღვანელობს.

ამის შესახებ ჟურნალისტებს პარლამენტის ჯანდაცვის კომიტეტის თავმჯდომარე დიმიტრი ხუნდაძემ განუცხადა.

მისი თქმით, ჯგუფის შექმნის შესახებ გადაწყვეტილება დემოგრაფიული აღორძინების ფონდის წარმომადგენლებსა და მთავრობის წევრებს შორის შეხვედრაზე მიიღეს.

"საქართველო დგას ძალიან ბევრი პრობლემის წინაშე, მათ შორის კი ერთ- ერთი დემოგრაფიული პრობლემაა. დღეს ჩვენ გვქონდა პრემიერთან შეხვედრა. დემოგრაფიული პრობლემა ავიდა სახელმწიფო პოლიტიკის რანგში - შეიქმნა სამთავრობო ჯგუფი, რომელსაც თავად პრემიერი უხელმძღვანელებს", - განაცხადა ხუნდაძემ.

მისივე განმარტებით, საქართველოში შობადობა მეორე მსოფლიო ომის შემდეგაც კი უფრო მაღალი იყო, ვიდრე დღესაა.

სტატისტიკურად, მეორე მსოფლიო ომის შემდეგ უფრო მაღალი იყო შობადობა, ვიდრე - დღეს. პიკი იყო 1970 წელს, როცა 120 ათასამდე ბავშვგი დაიბადა, დღეს კი მაჩვენებელი ამის ნახევარიც არ არის. კატასტროფული ვითარებაა აბორტების თვალსაზრისით - 2012 წელს ქვეყანაში 40 ათასი აბორტი დაფიქსირდა", - აღნიშნა ხუნდაძემ.

ნინო დათაშვილი