აფხაზეთის მთავრობა ჟიული შარტავას დაბადებიდან 70 წლისთავისადმი მიძღვნილ ღონისძიებებს გამართავს

საზოგადოება - 10:16, 07 Mar, 2014

2004

დღეს, აფხაზეთის ავტონომიური მთავრობა ჟიული შარტავას დაბადებიდან 70 წლისთავისადმი მიძღვნილ ღონისძიებებს გამართავს.
ღონისძიებების ფარგლებში 11:00 საათზე, აფხაზეთის ავტონომიური რესპუბლიკის მთავრობისა და აფხაზეთის ავტონომიური რესპუბლიკის უმაღლესი საბჭოს წევრები, საქართველოს ტერიტორიული მთლიანობისთვის დაღუპულ გმირთა მემორიალს გვირგვინებით შეამკობენ (გმირთა მოედანი). 12:00 საათზე აფხაზეთის მთავრობის წევრები და საქართველოს ხელისუფლების წარმომადგენლები გვირგვინით შეამკობენ ჟიული შარტავას საფლავს (ვაკის სასაფლაო).
14:00 საათზე, ბესარიონ ჟღენტის ქუჩაზე მდებარე სკვერში (ნუცუბიძის მე-2 პლატო) ჟიული შარტავას 70 წლისთავისადმი მიძღვნილი სკულპტურული მემორიალის - „ერთიანი საქართველოსთვის" გახსნის საზეიმო ცერემონიალი.
16:00 საათზე ჟიული შარტავას სახელობის საქართველოს ტექნიკურ უნივერსიტეტში ახალაგაზრდა პოლიტიკოსთა სკოლის პრეზენტაცია.
19:00 საათზე, შოთა რუსთაველის თეატრის დიდი დარბაზში ჟიული შარტავას 70 წლისადმი მიძღვნილი საიუბილეო საღამო გაიმართება. საღამოს საქართველოს ხელისუფლებისა და დიპლომატიური კორპუსის წარმოამდგენლები, აფხაზეთის მთავრობისა და უმაღლსი საბჭოს წევრები დაესწრებიან.