პატრიაქრის განცხადებით, მას ეჭვი არაფერში ეპარება და დარწმუნებაც არაფერში არ სჭირდება.

"მე მინდა გითხრათ, რომ ამაში დარწმუნება არ მჭირდება. მე დიდი ხანია ამაში დარწმუნებული ვარ. არის ისეთი არასამთავრობო ორგანიზაციები, რომლებიც ავრცელებენ ეკლესიის საწინააღმდეგოდ ამ იდეას და ამით ალბათ შოულობენ დახმარებებს. თქვენ თვითონ დარწმუნდებით საქართველოში ვიზიტისას. თქვენ დღეს ჩამობრძანდით, გქონდათ შეხვედრები, კიდევ შეხვდებით სასულიერო პირებს, საზოგადოების წარმომადგენლებს. ჩვენ ყველაფერს გავაკეთებთ იმისთვის, რომ ეს იდეა განხორციელდეს", - აღნიშნა უწმინდესმა.

გაფართოებისა და სამეზობლო პოლიტიკის საკითხებში ევროკავშირის უმაღლესი კომისარი შტეფან ფულე საქართველოს კათოლიკოს-პატრიარქს ილია მეორეს შეხვდა. ფულემ შეხვედრამდე განაცხადა, იგი ევროკავშირის სახელით დაარწმუნებს პატრიარქს, რომ მას ტრადიციული ღირებულებების წინააღმდეგ, განზრახვა არ გააჩნია.