"ფურშეტ ჯორჯიადან" ვადაგასული კვერცხი ამოიღეს

შემთხვევა - 16:09, 04 Mar, 2014

1524

როგორც სააგენტოში განმარტავენ, თბილისის სამმართველოს წარმომადგენლებმა ქეთევან წამებულის გამზირზე მდებარე შპს "ფურშეტ ჯორჯიადან" მოლდოვური წარმოების 256 ცალი ვადაგასული კვერცხი ამოიღეს. კვერცხი დაილუქა და კანონმდებლობის შესაბამისად განადგურდება.
ქვემო ქართლისა და კახეთის რეგიონულმა სამსახურებმა მონიტორინგის შედეგად დარღვევები გამოავლინეს. მარნეულში, გარდაბანსა და წალკაში ხუთი მეწარმე ბიზნესოპერატორად რეგისტრაციის გარეშე ეწეოდა სამეწარმეო საქმიანობას, რის გამოც, სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 64-ე მუხლის შესაბამისად, ი/მ "მანზახირ გუსეინოვი", ი/მ "ალადინ მირზაევი", ი/მ "მარშუდ პირიევი", ი/მ "ლაერტი ტოროსიანი", ი/მ "ანდრანიკ თამარიანი" დაჯარიმდნენ 300 ლარით. ეტიკეტირების წესის დარღვევისათვის 400 ლარით დაჯარიმდა 3 ბიზნესოპერატორი - ი/მ "გულნარა განჯაევა", ი/მ "სრაჟდენ მუსაევი", ი/მ "ფარამაზ მამედოვი".ვადაგასული სურსათი - თევზი, ძეხვეული, საკონდიტრო ნაწარმი, ხილისა და ბოსტნეულის კონსერვი ამოიღეს ი/მ "გულნარა განჯაევას", ი/მ "სრაჟდენ მუსაევის", შპს "დათუნას", ი/მ "ვაგრამ ტოროსიანის" სასურსათო მაღაზიებიდან.
ბიზნესოპერატორად რეგისტრაციის გარეშე საქმიანობის გამო ლაგოდეხში დაჯარიმდა ი/მ "ვლადიმერ შეირანოვი". სიღნაღის რაიონის დაბა წნორსა და ლაგოდეხში ეტიკეტირების წესის დარღვევისათვის დაჯარიმდნენ შპს Friday, ი/მ "ვეფხია ვეფხვაძე" - ი/მ "მარინე ალადაშვილი", ი/მ "თამილა ალადაშვილი".
სურსათის ეროვნული სააგენტო აგრძელებს მონიტორინგს მთელი ქვეყნის მასშტაბით.

ნინა შადური