21 წლის ახალგაზრდა, რომელმაც თავი ჩამოიხრჩო, შეიარაღებულ ძალებში მსახურობდა

საზოგადოება - 17:43, 03 Mar, 2014

1898

საქართველოს თავდაცვის სამინისტრო რიგითი იმედა მურვანიძის გარდაცვალების გამო ღრმა მწუხარებას გამოთქვამს, - ამის შესახებ თავდაცვის სამინისტროს საზოგადოებრივ საქმეთა დეპარტამენტის მიერ გავრცელებულ განცხადებაშია ნათქვამი.
მათივე ინფორმაციით, მომხდართან დაკავშირებით გამოძიებას შსს-ს ახალციხის რაიონული სამმართველო აწარმოებს.
"საქართველოს თავდაცვის სამინისტრო ღრმა მწუხარებას გამოთქვამს რიგითი იმედა მოსეს ძე მურვანიძის გარდაცვალების გამო და სამძიმარს უცხადებს გარდაცვლილის ოჯახს. მომხდარ ფაქტთან დაკავშირებით გამოძიებას შსს-ს სამცხე-ჯავახეთის სამხარეო მთავარი სამმართველოს, ახალციხის რაიონული სამმართველო აწარმოებს. გამოძიება სისხლის სამართლის კოდექსის 115–ე მუხლით მიმდინარეობს, რაც თვითმკვლელობამდე მიყვანას გულისხმობს", - ნათქვამია განცხადებაში.
სამინისტროს ინფორმაციით, რიგითი იმედა მურვანიძე საქართველოს შეიარაღებულ ძალებში 2013 წლიდან ირიცხებოდა. 1993 წელს დაბადებული ქართველი სამხედრო III ქვეით ბრიგადაში საკონტრაქტო სამსახურს გადიოდა. იგი შაბათ-კვირით დათხოვნაში საკუთარ სახლში, ახალციხეში იმყოფებოდა და ხვალ, 4 მარტს, დილით მოწყობაზე ბრიგადაში უნდა გამოცხადებულიყო.
შეგახსენებთ, რომ სულ ცოტა ხნის წინ გავრცელდა ინფორმაცია, იმის შესახებ რომ გვიან ღამით, ახალციხეში 21 ახალგაზრდამ თავი ჩამოიხრჩო.გავრცელებული ინფორმაციით, გარდაცვლილი სადარბაზოში დამ ნახა. შემთხვევის ადგილზე გამოძახებულ სასწრაფო დახმარების სამსახურს 21 წლის ბიჭი გარდაცვლილი დახვდა.