„თიბისი“ ბანკის დამფუძნებელმა მამუკა ხაზარაძემ გაზეთ „ასავალ დასავალის“ ერთ-ერთ ნომერში გამოქვეყნებულ სტატიებზე გაამახვილა ყურადღება და აღნიშნა, რომ გაზეთის რედაქციის წინააღმდეგ სარჩელი უკვე შეტანილია.

ხაზარაძე სტატიას როგორც ცილისმწამებლურს ისე აფასებს და ამბობს, რომ დღეს, ჟურნალისტებთან შეხვედრაზე აღნიშნული გამოცემაც იყო მოწვეული, თუმცა დღევანდელ პრესკონფერენცის „ასავალ-დასავლის“ ჟურნალისტი არ დასწრებია.

"მე და ჩემი პარტნიორები ვაკეთებთ საერთაშორისო ბიზნესს. ყველა ბიზნესი, რომელიც "თიბისი ჯგუფშია", არის საერთაშორისო ნიშნით შექმნილი. თითქმის არ არსებობს კომპანია, სადაც ჩვენ უცხოელი, რეპუტაციული ინვესტორი არ გვყავდეს. ამიტომ, ჩვენ ვერავის ვერ ვაპატიებთ. ეს არის სერიოზული თემა, რომელიც ეხება მთლიანად ქართული ბიზნესის რეპუტაციას. ჩვენ ვართ ერთ- ერთი წარმატებული ხმა ქართულ ბიზნესში და არავის არ მივცემთ უფლებას, ჩვენმა პარნტორებმა თუნდაც ირიბად მაინც დასვას კითხვა – რა არის ეს არის? რატომ გაყენებენ შეურაცხყოფას",-აღიშნა ხაზარაძემ.

დღევანდელ პრესკონფერენციას ესწრებოდა ადვოკატი ზვიად კორძაძეც, მისი განცხადებით ისინი მზად არიან ნებისმიერ დროს ნებისმიერ კითხვაზე გასცენ პაუხი.

„თუ ვინმე იტყვის, რომ მამუკა ხაზარაძემ რაღაც წამართვა, ან „ამახია“, ამ ყველაფერს ექნება სამართლებრივი მხარე. შემოთავზება არის მარტვივი, გადავამოწმოთ ფაქტები, ხოლო შეხედულებები და შეფასებები ეს ჩვენი საქმე არ არის“,- განაცხადა ზვიად კორძაძემ.

როგორც ხაზარაძემ აღნიშნა, იმ შემთხვევაში, თუ რედაქცია მის მიერ დაშვებულ შედომას აღიარებს, თიბისი ბანკი მზადაა დათმობაზე წავიდეს და შესაძლოა სარჩელი უკან გამოიტანოს.