შევარდნაძე მამა გაბრიელს ფსიქიატრიულში განთავსებას უპირებდა

შევარდნაძე მამა გაბრიელს ფსიქიატრიულში განთავსებას უპირებდა - რას ყვება წმინდანის ექიმი

საზოგადოება - 21:08, 27 Feb, 2014

5559

ურგებაძის თქმით, ციხეში მყოფ მამა გაბრიელს ლოცვის უფლებას არ აძლევდნენ.

ექიმი იხსნებეს, რომ მამა გაბრიელის საკნიდან ჯვრები და ხატები გაუტანიათ, რაზეც წმინდანი კედელთან დამდგარა ხელები გაუშლია და უთქვამს ჯალათისთვის, მე თვითონ ვარ ჯვარიო.

მთავარი ფიგურა კი ამ ისტორიაში ექს-პრეზიდენტი ედუარდ შევარდნაძეა, რომელსაც თავის დროზე მამა გაბრიელის „ფსიქიატრიულში ამოლპობა სდომებია“.

„მამა გაბრიელი იხსენებდა: კამერაში რომ შემიყვანეს, სამოსელი გამხადეს, მაისურის ამარა დამტოვეს, ჯვრები და ხატები ჩამომართვეს. ვთხოვე, არ წაეღოთ; ვუმეორებდი, - ბერი ვარ-მეთქი. მპასუხობდნენ: ბერი კი არა, ხალხის მტერი ხარ და მალე გაგანადგურებთო. კამერაში მარტო დავრჩი. ლოცვის ჟამმა რომ მოაწია, ვიფიქრე, - რა ვქნა-მეთქი? დავინახე, კუთხეში ცოცხი იდო, მისი სახელურიდან 2 ღერო გამოვაძვრე, გადავაჯვარედინე, მაისურიდან გამოღებული ძაფით შევკარი და ჯვარი გავაკეთე. მერე ეს ჯვარი კუთხეში დავდე და ლოცვა დავიწყე, მაგრამ ეშმაკის მოციქული ჭუჭრუტანიდან მითვალთვალებდა, საკნის კარი გააღო, შემოვიდა და ჯვარი წამართვა, - აქ ლოცვა არ შეიძლებაო. გავბრაზდი, კედელთან დავდექი, ხელები გავშალე და ვუთხარი, - მე თვითონ ჯვარი ვარ. აბა, მოდი, წამართვი! ზედამხედველმა იფიქრა, რომ გიჟი ვიყავი, გავიდა და კარი მოაჯახუნაო. იხსენებდა: კომისიაზე გამატარეს, უფროსობა იყო შეკრებილი, მათ შორის - ედუარდ შევარდნაძეც გახლდათ. მან რომ დამინახა, თქვა, ეს ადამიანი სულიერად ავადმყოფი თუ არის, ფსიქიატრიულში ამოვალპობთ, თუ არა და, სამაგალითოდ უნდა დაისაჯოსო,“ - ჰყვება „გზასთან“ საუბრისას ურგებაძე