ქუთაისში 12 წლის გაუჩინარებული გოგონას დედა ეთერ გვენეტაძე Ambebi.ge-სთვის მიცემულ ინტერვიუში ამბობს, რომ მისი შვილი არ გათხოვილა და მასზე ზეწოლა ხორციელდება.

მისივე თქმით, გოგონა მას რამდენჯერმე დაუკავშირდა, თუმცა სად და ვისთან ერთად იმყოფება, ეს დედისთვის კვლავ უცნობია.

„ჩემი შვილი არ გათხოვილა. მასზე ვიღაც ახორციელებს ზეწოლას და ამიტომაც ამბობს, გავთხოვდიო... მე ქალაქის ტელეფონით მეკონტაქტება და ამიტომ ვერ ვახერხებ ვერც ნომრის და ვერც მისი ადგილმდებარეობის დადგენას“, - ამბობს ეთერ გვენეტაძე და დედა მცირეწლოვანი ქალიშვილის პოვნაში დახმარებას ითხოვს.

შეგახსენებთ, ვრცელდება ინფორმაცია, რომ 12 წლის მარიამ სულაბერიძე გათხოვდა და პოლიციაში ამ დროისათვის საქმე აღძრული იმ მიზეზით არ არის, რომ გოგონა ოჯახის წევრებთან კონტაქტზე გამოდის. სამხარეო სამმართველოს პრესსამსახურში განმარტავენ, რომ პოლიცია კონკრეტული მუხლით ძიებას იმ შემთხვევაში დაიწყებდა, თუ 5 დღის შემდეგ გოგონა არ გამოჩნდებოდა და დაკარგულად გამოცხადდებოდა.

ცნობისთვის, მარიამ სულაბერიძე ოჯახის ერთადერთი შვილია. ის ქუთაისის #24 საჯარო სკოლის მეშვიდე კლასში სწავლობს. როგორც გოგონას დედა, ეთერ გვენეტაძე აცხადებს, მან იცოდა, რომ მოზარდს შეყვარებული ჰყავდა და მესიჯებს წერდა, ამიტომ ტელეფონი წაართვა.

ნინა შადური