ქუთაისში გაუჩინარებული 12 წლის გოგონას ადგილსამყოფელი ამ დროისათვის უცნობია, თუმცა გოგონა ოჯახს პერიოდულად უკავშირდება და მშობლებს აქვთ ინფორმაცია, რომ მარიამ სულაბერიძე გათხოვდა.

აღნიშნულის შესახებ ინფორმაციას News.ge ავრცელებს.

როგორც იმერეთის სამხარეო სამმართველოში აცხადებენ, პოლიციაში ამ დროისათვის საქმე აღძრული არ არის, იმ მიზეზით რომ გოგონა ოჯახის წევრებთან კონტაქტზე გამოდის. სამხარეო სამმართველოს პრესსამსახურში განმარტავენ, რომ პოლიცია კონკრეტული მუხლით ძიებას იმ შემთხვევაში დაიწყებდა, თუ 5 დღის შემდეგ გოგონა არ გამოჩნდებოდა და დაკარგულად გამოცხადდებოდა.

„თუმცა ცნობილია, რომ გოგონა ოჯახს ეკონტაქტება და გათხოვების შესახებ ოჯახს თავად მიაწოდა ინფორმაცია“,-აცხადებენ სამხარეო სამმართველოში.

შეგახსენებთ, რომ მარიამ სულაბერიძე, რომელიც მეშვიდე კლასის მოსწავლეა, 21 თებერვალს სახლიდან გავიდა და განაცხადა, რომ მისი შეყვარებულის სანახავად მიდიოდა. ოჯახი გოგონას პოვნაში დახმარებას სამართალდამცავებსა და საზოგადოებას სთხოვდა.

ნინა შადური