ტყიბულის მუნიციპალიტეტის მოსახლეობას ტელევიზიების - „იმედის“, „რუსთავის 2“-ის და „პირველი არხის“ ყურების საშუალება არ აქვთ.

ამის მიზეზი იმ ტრანსფორმატორის დაზიანებაა, რომელიც ნაქერალას მთაზე მდებარე სატელევიზიო ანძას ელექტროენერგიას აწვდის.

ტყიბულის გამგებლის თემურ ჩუბინიძის განცხადებით, ტრანსფორმატორი მოძველებულია და ის შარშანაც გამოვიდა მწყობრიდან.

როგორც გამგებელი ამბობს, დაზიანებული ტრანსფორმატორი უკვე შეაკეთეს და მისი ადგილზე დაბრუნება დაახლოებით ორ დღეში გახდება შესაძლებელი.

რაც შეეხება მოსახლეობის ელექტროენერგიით მომარაგებას, გამგებელი განმარტავს, რომ ამ მხრივ ტყიბულში შეფერხება არ არის.