„ქართული ფილმის“ სამეთვალყურეო საბჭოს ხელმძღვანელი რეჟისორი გიორგი შენგელაია „ალიასთან“ საუბრისას პრემიერი-მინისტრთა შეხვედრის დეტალებს ჰყვება.

შეხვედრის მიზეზი „ქართული ფილმის გარშემო ატეხილი სკანდალი იყო. შენგელაიას თქმით, ხელისუფლებამ აქციები აუქციონის გზით გაყიდა. დაბრუნების პროცესის შეჩერებაში კი კინოსტუდიის თანამშრომლები დეპუტატ სოსო ჯაჭვლიანს ადანაშაულებენ.

როგორც შენეგალაია „ალიასთან“ საუბრისას ჰყვება, ამ საქმეში მას დახმარებას ეკონომიკის მინისტრი შეჰპირდა, თუმცა უშედეგოდ. სწორედ ამის შემდეგ მიმართა შენგელაიამ დასახმარებლად პრემიერი ღარიბაშვილს.

„წავედით ირაკლისთან მე და ჩემი კამანდა. თავიდან გულახდილად მითხრა, ბატონო გიორგი არაფერი ვიცი და ყველაფერი დაწვრილებით მომიყევითო. მეც მოვუყევი თავიდან ბოლომდე. ღარიბაშვილმა საკითხი კარგად გაიგო. მის გვერდით იჯდა ეკონომიკის მინისტრი კვირიკაშვილი, რომელმაც კინოსტუდიაში დაგვინიშნა ბორდი ბრძანებით, არავითარი კონკურსი არ ყოფილა. პრემიერ-მინისტრი კვირიკაშვილს მიაწვა ეს როგორ გააკეთეო, რა ბორდი რის ბორდი, ჩამომითვალე იქ ვინ არიანო. ჩამოთვალა, ვატყობ ირაკლის გვარები არაფერს ეუბნება. ბორდი შეადგინა ჯაჭვლიანმა, ეს ფაქტია. ახლა პირდაპიდ გეტყვით: პრემიერ-მინისტრმა კვირიკაშვილს გაუდო,“ - ამბობს შენგელაია „ალიასთან“ საუბრისას.