საქველმოქმედო სპექტაკლი ,,ახმეტელის თეატრში“ ნიკა ხატიაშვილის დასახმარებლად

საზოგადოება - 17:41, 22 Feb, 2014

4252

ნიკუშა ხატიაშვილი 21 წლის ახალგაზრდაა, რომელსაც ავტოსაგზაო შემთხვევის დროს დაუზიანდა ხერხემალი და განუვითარდა ქვედა კიდურების პარაპლეგია, მას ჩაუტარდა რამდენიმე მძიმე ოპერაცია, ახლა კი ესაჭიროება სარეაბილიტაციო კურსი.

ერიკ ემანუელ შმიტის პიესა „სასტუმრო ორი სამყაროს გასაყარზე „ ეს არის ამბავი კომაში მყოფი ადამიანებისა, რომლებიც სიკვდილ-სიცოცხლის ზღვარზე იმყოფებიან. სასტუმრო – მისტიური ადგილია, სადაც ადამიანებს ზღვრულ სიტუაციაში საკუთარი თავის შეცნობის საშუალება ეძლევათ.

პიესა წარმატებით სარგებლობს ევროპულ თეატრებში, ბესტსელერების ავტორის - ერიკ ემანუელ შმიტის პოპულარობა კი მსოფლიოში ყოველდღიურად იზრდება.

რეჟისორი - გიორგი თავაძე - 2013 წელს თეატრის მოღვაწეთა კავშირის

მიერ დასახელდა წლის საუკეთესო რეჟისორად ახმეტელის

თეატრში განხორციელებული დადგმისთვის „მაგიის

საოცრებანი”;

მხატვარი - ანა კალატოზიშვილი - 2013 წელს თეატრის მოღვაწეთა

კავშირის მიერ დასახელდა წლის საუკეთესო

სცენოგრაფად და მოიპოვა ქართულ „თეატრალურ ოსკარად”

წოდებული პრემია „დურუჯი”, ახმეტელის თეატრში

განხორციელებული დადგმისთვის „მაგიის საოცრებანი”;

სპექტაკლში მონაწილებენ : ნუგზარ ყურაშვილი, აკაკი ხიდაშელი, ანა მატუაშვილი, გვანცა კანდელაკი, ბექნუ ქაფიანიძე, ნინო ანდრიაძე, გაგა მახათაძე, თაკო აზნარაშვილი.