თბილისში ე.წ. "ხრუშჩოვკებს" თანამედროვე მრავალსართულიანი კორპუსები ჩაანაცვლებს

საზოგადოება - 15:19, 21 Feb, 2014

2565

თბილისში ე.წ. "ხრუშჩოვკის" ტიპის ბინების ნაცვლად თანამედროვე მრავალსართულიანი კორპუსების მშენებლობა იგეგმება.
შესაბამისი პროექტი თბილისის საკრებულოს თავმჯდომარის ირაკლი შიხიაშვილისა და საერთაშორისო სავაჭრო-საინვესტიციო ჰოლდინგის ხელმძღვანელის, სალემჰუმეიდალშამსის შეხვედრაზე იქნა განხილული.
შეხვედრაზე მხარეებმა ძველი თბილისის რეაბილიტაციის შესახებ პროექტებიც განიხილეს. შეთანხმებას, რომელიც თბილისისთვის მილიარდ ასი მილიონი ლარის ინვესტიციის გაცემას მოიცავს, ხელი ზაფხულისთვის მოეწერება.
საკრებულოს თავმჯდომარის განცხადებით, მხარეებს შორის სტრატეგიული შეთანხმება უკვე მიღწეულია და მხოლოდ რამდენიმე ტექნიკური დეტალი რჩება გადასაწყვეტი. მისივე თქმით. ახალი პროექტების განხორციელება უკვე ზაფხულიდან დაიწყება.
„ვფიქრობ, რომ ეს თბილისელებისთვის ძალზედ სასიამოვნო ინფორმაციაა. თითოეული პროექტი, იქნება ეს ძველი თბილისის რეაბილიტაცია თუ ე.წ. „ხრუშჩოვკის“ ტიპის ბინების დემონტაჟი და მათ ადგილას უფრო მიმზიდველი და კომფორტული საცხოვრებელი კორპუსების მშენებლობა, შეცვლის ჩვენი ქალაქის იერსახეს. ბევრად უფრო გალამაზდება და გამშვენიერდება ჩვენი ქალაქი და მოსახლეობას ექნება უფრო მეტი კომფორტი თბილისში ცხოვრებისთვის“, - აღნიშნავს საკრებულოს თავმჯდომარე.
ახალი პროექტი ძველითბილისისიერ-სახისშენარჩუნებისთვის მუშაობის დაწყებასაც მოიცავს. „ძველი თბილისი - ეს არის ტურისტებისთვის ყველაზე მიმზიდველი გარემო და ადგილი. არ შეიძლება მისი იერსახის შეცვლა. ჩვენ ვფიქრობთ, რომ გავარემონტოთ, გავამაგროთ აქ მდებარე შენობები. იერსახე გავალამაზოთ და გარეგნულად მიმზდიველი გავხადოთ“ , - განმარტავს ირაკლი შიხიაშვილი.
მისივე თქმით, ინფრასტრუქტურული პროექტები არის ის მამოძრავებელი ძალა, რომელიც ხელს შეუწყობს ეკონომიკის განვითარებას და მოსახელობას დასაქმების საშუალებას მისცეს.