მართვის მოწმობის აღების მსურველები პრაქტიკული გამოცდის ჩაბარებას ქალაქის პირობებში შეძლებენ. ამის შესახებ შს სამინისტროს 2014 წლის სტრატეგიაშია ნათქვამი.

"2014 წლიდან უკვე შესაძლებელია მართვის მოწმობის მისაღები პრაქტიკული გამოცდის ჩაბარება ავტომატური გადაცემათა კოლოფის მქონე სატრანსპორტო საშუალებებზე. ასევე შემოღებულ იქნება პრაქტიკული გამოცდის რეალურ მოძრაობაში (ქალაქის პირობებში) ჩაბარება", - ნათქვამია სტრატეგიაში.

ამასთან, სტრატეგიაში აღნიშნულია, რომ 2014 წელს ასევე იგეგმება ახალი ტიპის სანომრე ნიშნების შემოღება, რომელიც თავისი ფორმითა და შინაარსით შეესაბამება საერთაშორისო სტანდარტებს.

გარდა ამისა, დაგეგმილია სკოლებში საგზაო ნიშნებისა და მოძრაობის წესების სწავლების დაგეგმვა.

შს სამინისტროს 2014 წლის სტრატეგიის პრეზენტაცია "რედისონ ბლუ ივერიაში" გაიმართა და ღონისძიებას შს მინისტრი ალექსანდრე ჭიკაიძე ხელმძღვანელობდა