მთელი კვირის განმავლობაში სხვადასხვა კვლევითმა ორგანიზაციებმა სიყვარულის თემაზე გამოკვლევა ჩაატარეს.

ერთ-ერთმა კომპანიამ Gallup-მა 136 ქვეყანას შორის გამოკითხვა ჩაატარა და დაინტერესედა თითოეული ქვეყნის მოქალაქე რამდენად გრძნობდა სიყვარულს. გამოკითხვის შედეგები მეცნიერებმა შეაჯამეს და რეიტინგი შეადგინეს, რასაც პროცენტული მაჩვენებელი დაურთეს.

აღმოჩნდა რომ საქართველო 136 ქვეყანას შორის 132-ე ადგილზეა.

სიყვარულის დღეს მსოფლიოს მოსაახლეობის 70% სიყვარულს გრძნობს.

რეიტინგის ლიდერია ფილიპინები, სადაც მოსახლეობის 90% სიყვარულს ყოველდღე გრძნობს. რეიტინგში ბოლო ადგილი სომხეთის მოქალაქეებმა დაიკავეს - სომხეთში მხოლოდ 29% გრძნობს ბედნიერებას. რაც შეეხება საქართველოს - ჩვენს ქვეყანას 43% ერგო. ჩვენი ქვეყნის მსგავსად, 43% მიენიჭა მაროკოსა და ბელორუსს.

"ქვეყნებს შორის განსხვავება იმითაა განპირობებული, თუ სხვადასხვა კულტურაში როგორ განსაზღვრავენ სიყვარულს. მაგალითად, ზოგიერთ ქვეყანაში თუ სიყვარული უკავშირდება რომანტიკულ პარტნიორს, სხვაგან ეს გრძნობა ოჯახის წევრების, ან მეგობრების სიყვარულთან ასოცირდება", - განაცხადა ეკონომისტმა ჯასტინ ვოლტერსმა Gallup-ის რეიტინგთან დაკავშირებით.

ჯასტინმა და მისმა მეუღლემ ბეტსი სტივენსონმა გლობალური მონაცემები გამოიკვლიეს და აღმოაჩინეს, რომ სიყვარულის გრძნობა ყველაზე გააზრებულია მაშინ, როდესაც ადამიანები 30-40 წელს აღწევენ - ამასთან, დაუქორწინებელი წყვილები უფრო გრძნობენ სიყვარულს, ვიდრე დაქორწინებულები. შეიძლება განაცხადოთ, რომ ბედნიერება და სიყვარული იმ ქვეყნებშია, სადაც ოჯახები მატერიალურად უზრუნველყოფილნი არიან, მაგრამ რეიტინგში საპატიო ადგილები ღარიბი ქვეყნების წარმომადგენლებმაც დაიკავეს.

მომზადებულია trove.com-ის მიხედვით.