როგორც გამოცდების ეროვნული ცენტრის ხელმძღანელმა მაია მიმინოშვილმა ბათუმის ,,შერატონში“ ჟურნალისტებთან განაცხადა, აღნიშნული ცვლილებით ალბათობით შემოხაზვის შედეგად საგნის ბარიერის გადალახვის ფაქტები გამოირიცხება. მისივე თქმით, ზოგადი უნარების ტესტის ზოგიერთ ნაწილში 4 სავარაუდო პასუხის ნაცვლად, აბიტურიენტებს შეთავაზებული 5 პასუხი ექნებათ.

ერთიან ეროვნულ გამოცდებში აბიტურიენტების რეგისტრაციის პროცესი 20 თებერვალს დაიწყება და 21 მარტს დასრულდება.

ერთიანი ეროვნული გამოცდები, სავარაუდოდ, ივნისის ბოლო კვირაში დაიწყება. წელს უმაღლეს სასწავლებლებს აბიტურიენტების მისაღებად კონკურსი 45 ათასზე მეტ ადგილზე აქვთ გამოცხადებული.

გარდა ამისა, მიმინოშვილის თქმით, არჩევით საგნებს კიდევ ერთი საგანი, ხელოვნება დაემატება.

რაც შეეხება საატესტატო გამოცდებს, მე-12 კლასელები დარჩენილ ოთხ გამოცდას მაისში ჩააბარებენ. გამოცდა ქართულში, ისტორიაში, უცხო ენასა და მათემატიკაში ჩატარდება. ივნისის თვეში კი მე-11 კლასელები ქიმიის, ბიოლოგიის, გეოგრაფიისა და ფიზიკის გამოცდებს ჩააბარებენ.