"ნიუპოსტი" შემოსავლების სამსახურის განცხადებას უცვლელად გთავაზობთ: "რამდენიმე დღის წინ მედიის ყურადღების ცენტრში მოექცა შემოსავლების სამსახურის თანამშრომელთან დაკავშირებული ინციდენტი, რომელიც 30 იანვარს, ქ.გორის სასამართლოს შენობაში მოხდა. საზოგადოებრივი ინტერესის გათვალისწინებით, ფინანსთა სამინისტროს შიდა აუდიტის დეპარტამენტმა ფაქტზე განახორციელა მოკვლევა ფაქტობრივი გარემოებების შესწავლისა და შესაბამისი რეკომენდაციების გაცემის მიზნით. მოკვლევის შედეგებიდან გამომდინარე, შემოსავლების სამსახურის მომსახურების დეპარტამენტის უბნის ოფიცერთა სამმართველოს უფროსს გიორგი ბერძენიშვილს დაეკისრა ადმინისტრაციული სასჯელი - 10 სამუშაო დღის ხელფასის დაკავება. ამასთან, თავად გიორგი ბერძენიშვილის პირადი განცხადების თანახმად, იგი გადაყვანილია უფრო დაბალ პოზიციაზე - ამავე სამმართველოს ქვემო ქართლის სექტორის უფროსის თანამდებობაზე დროებით მოვალეობის შემსრულებლად", - ნათქვამია განცხადებაში.