ჯერ-ჯერობით უცნობია რა დაჯდება ლაბორატორიაში პროდუქტის შემოწმება, ან ვინ იქნება დამკვეთი. არც ის იციან დანამდვილებით, ბაზარის რა ნაწილი უჭირავს გენმოდიფიცირებულ პროდუქტს.

„Quality Lab” (ხარისხის ლაბორატორია), რომლის გახსაც ხვალ იგეგმება, საქართველოში პირველი ლაბორატოროიაა, რომელიც აღჭურვილი იქნება თანამედროვე ტექნიკით, რაც შესაბამის უწყებებს საშაულებას მისცემს გამოიკვლიოს გენეტიკურად მოდიფიცირებული საკვები პროდუქტები.

საქართველოს ხელისუფლება ქვეყანაში გენმოდიფიცირებული პროდუქციის წარმოების აკრძალვისთვის საჭირო საკანონმდებლო ბაზის შექმნაზე მუშაობს. მთავრობის ინიციატივით პარლამენტს უკვე მიეწოდა კანონპროექტი, რომელიც კრძალავს ყველა იმ პროდუქტის მოყვანას რომლის თესლი, ნერგი, ჩითილი, ან ბოლქვი შეიცავს ცოცხალ გენმოდიფიცირებულ ორგანიზმებს,

გენმოდიფიცირებული პროდუქტის დათესვა იქნება ნებადართული მხოლოდ დახურულ სივრცეში, სამეცნიერო-კვლევითი მუშაობისთვის.

ლაბორატორიას ხვალ თბილისში სოფლის მეურნეობის მინისტრი შალვგა ფიფია გახსნის.