სასჯელაღსულებისა და პრობაციის მინისტრი სოზარ სუბარი გეგუთის საპატიმროში განვითარებულ მოვლენებს გამოეხმაურა.

მინისტრმა აღნიშნა, რომ გეგუთის ციხეში მოსალოდნელი აქციის შესახებ ინფორმაცია პატიმრებმა გამოიტანეს, თუმცა კონკრეტული გვარების დასახელებისგან სუბარი თავს იკავებს.

“ეს ინფორმაცია ჩვენამდე პატიმრებისგან მოვიდა, თუმცა გვარების დასახელებისგან თავს შევიკავებ. მე არ ვამბობ, რომ ეს გარედან იმართება, მე ვამბობ, რომ პატიმრები იყვნენ ჩვენი ინფორმაციის წყარო, რომლებიც საუბრობდნენ იმაზე თუ შიგნით რა იგეგმებოდა და რატომაც იგეგმებოდა. ყოველივე ამის მიზეზი, იყო ის რომ რეჟიმის კანონის ფარგლებში მოქცევა არ მოსწონთ მათ. არანაირი უფლებამოსილების გადამეტება ამ რეჟიმის გამკაცრებაში არ არის. დაემატა ერთი ფაქტი, რომ ორ პატიმარს ჰქონდა დაზიანებები. ადმინისტრაციის მხრიდან უფლებამოსილების გადამეტება თუ მოხდა, ან იყო თუ არა ეს ფაქტი საერთოდ, ამას გამოძიება დაადგენს. მე ხელს არავის დავაფარებ, პირიქით, ყველაზე მკაცრი იმ ადამიანის მიმართ ვიქნები, ვინც უფლებამოსილებას გადაამეტებს და კანონს დაარღვევს. თუმცა, პირველი, ვინც ეს დაზიანებები აღმოაჩინა, იყო სამინისტრო და ჩვენ სამედიცინო დახმარება გავუწიეთ. გენინსპექცია შეხვდა პატიმრებს, რომლებსაც დაზიანებები ჰქონდათ, ჩვენვე გადავეცით პროკურატურას ეს საქმე და ორი დღის შემდგომ წამოვიდა მოთხოვნები მათი მხრიდან, რომ ამ საქმეების გამოძიება მომხდარიყო”, - განაცხადა სუბარმა.