იქნებ დროა გადმობრძანდეთ ჩვენი ნაყიდი მანქანებიდან...?!

საზოგადოება - 21:48, 07 Feb, 2014

2102

ერთ წელზე მეტი გავიდა რაც ხელისუფლებაში მობრძანდა „ქართული ოცნება“ ამ ერთი წლის განმავლობაში ქართული ოცნება საქართველოს მოქალაქეების უმრავლესობისთვის აუხდენელ ოცნებად დარჩა, ამ ერთი წლის განმავლობაში ამაოდ მოიმედე თვალებით შემოგცქეროდათ ამომრჩეველი როდის დაიწყებდით თქვენს მიერ გაცემული დაპირებების შესრულებას, მაგრამ ..... როგორც ჩანს ამ დაპირებების ასრულება-შესრულებას მხოლოდ საკუთარ თავზე გეგმავდით და შესაშური მონდომებით ხელებდაკაპიწებულები არ იკლებთ ათასებს და ათიათასებს, იწერთ პრემიებს, ვახშმობთ რესტორნებში, ყიდულობთ ძვირადღირებულ ავტომანქანებს, ის კი არა და ეპილაციასაც თურმე ჩვენი ფულით იკეთებთ და ბატონებო ერთხელ დაფიქრებულხართ იმაზე, რომ ხალხმა რომელმაც ეს ნდობა გამოგიცხადათ და ხელისუფლება ჩაგაბარათ შეუძლიათ ისევ წაგართვათ ეს უფლებები?? დაფიქრებულხართ იმაზე, რომ ხალხი რომლებსაც ჰპირდებოდით სამართლიანობის აღდგენას, დასაქმებას, კომუნალური ხარჯების განახევრებას, უფასო ჯანდაცვას, მილიონების ჩადებას სოფლის მეურნეობაში, უპროცენტო კრედიტებს .... და აქამდე არც ერთი არ შეგისრულებიათ რას ფიქრობს ეხლა თქვენზე?? გახსოვთ კი ბოლოს როდის იყავით ქუჩაში და როდის ესაუბრეთ მათ? იქნებ დროა გადმობრძანდეთ ჩვენი ნაყიდი მანქანებიდან და გაიაროთ ხალხში, ავტობუსში, სამარშრუტო ტაქსში და მოუსმინოთ რა უჭირს და ულხინს ხალხს, შეხედეთ და ნახეთ რა დღეშია თქვენგან მოტყუებული ქვეყნის მოსახლეობის უმრავლესი ნაწილი, ნუ გექნებათ იმის იმედი, რომ ხალხი ყველაფერს მოითმენს და აიტანს, ხალხი ყველას მოსაკითხს თქვენ მოგკითხავთ და დამერწმუნეთ ეს არ იქნება მსუბუქი, რადგან ხალხის მოთმინებასაც აქვს საზღვარი და თქვენ ამ მოთმინებას დაუდევრათ ფლანგავთ.

ნათია შარაშენიძე