ტურიზმის ხელშეწყობის მიზნით ინდოეთი სავიზო რეჟიმს მსოფლიოს 180 ქვეყნისთვის ამარტივებს. მოხვდა თუ არა საქართველო ამ ჩამონათვალში, ამ ეტაპზე საგარეო საქმეთა სამინისტროსთვის ცნობილი არ არის.

„ჯერ-ჯერობით არანაირი ოფიციალური დადასტურება იმისა, რომ საქართველო ამ ჩამონათვალში მოხვდა, ინდური მხარისგან არ მიგვიღია“- აღნიშნა „ნიუპოსტთან“ საუბარში საკონსულო დეპარტამენტის უფროსის მოადგილემ ინგა კიკვიძემ.

უცხოური მედიის ცნობით, ტურისტები 30-დღიან ვიზას პირდაპირ აეროპორტებში მიიღებენ. ინდოეთის მთავრობას დაახლოებით, ექვსი თვე დასჭირდება ქვეყნის 26 ძირითად აეროპორტში შესაბამისი ინფრასტრუქტურის მოსაწყობად,

ინდოეთის მთავრობა გეგმავს, ელექტრონული ვიზების გაცემის სისტემაც დანერგოს, კერძოდ, სპეციალური ვებ-გვერდი შექმნას, რომლის მეშვეობით ტურისტებს საშუალება ექნებათ, ვიზა წინასწარ მოითხოვონ და მოსაკრებელიც გადაიხადონ. შესაბამისად, ნებისმიერ აეროპორტში ის სამ დღეში მზად იქნება.

ამ შეღავათით ვიზიტორთა პირველ ნაკადი ოქტომბერში ისარგებლებს.