სავაჭრო ომი აზერბაიჯანსა და საქართველოს შორის?

ბიზნესი & ეკონომიკა - 22:32, 05 Feb, 2014

5062

haqqin.az-ს "ბორჯომის" ცენტრალურ ოფისში განუცხადეს, რომ აზერბაიჯანის საბაჟო თვეზე მეტია აღარ ატარებს აზერბაიჯანის ტერიტორიაზე მათი პროდუქციით დატვირთულ სატვირთო ავტომობილებს. მებაჟეები ფორმალურ მიზეზად საჭირო დოკუმენტაციის არარსებობას ასახელებენ, რომელიც მინერალური წყლის ვარგისიანობას დაადასტურებდა. არადა გასულ წელს აზერბაიჯანში შეტანილი და რეალიზებული იყო 7 მილიონი ბოთლი.

"ბორჯომის" მესვეურები იმასაც აცხადებენ, რომ მათი წარმომადგენლები ბაქოში ერთგვარ შევიწროებასაც განიცდიან. ქართველი მესაზღვრეები და მებაჟეები ვერ ხსნიან აზერბაიჯანული მხარის ამ ქმედებას, ხოლო აზერბაიჯანის ჯანდაცვის სამინისტროს სანიტარულ დეპარტამენტში აცხადებენ, რომ მათ არანაირი პრეტენზია არ აქვთ "ბორჯომისა" და "ლიკანის" ხარისხთან.

არადა "ბორჯომი" და "ლიკანი" ფეშეენებლურ რესტორნებშიც არ იშოვება, სადაც შარშან მასზე საკმაოდ დიდი მოთხოვნა იყო.

არანაკლებ საინტერესოა ის ფაქტიც, რომ პრობლემები მხოლოდ "ბორჯომს" და "ლიკანს" არ უკავშირდება. ბაქოს სუპერმარკეტებში დიდი ხანია აღარ მიუღიათ ქართული ხორცპროდუქტები "ბასტურმა". სოსისი "ივერია". მინერალური წყლებიდამ წელს მხოლოდ "ნაბეღლავი" მიიღეს.

ექსპერტები თვლიან, რომ, როგორც ჩანს, მიმდინარეობს ბრძოლა პროდუქციის მიწოდების კონტროლზე. ამ აზრს იზიარებენ მარკეტების მეპატრონეებიც.

"შესაძლოა ეს მთავრობის მიზანმიმართული პოლიტიკაცაა. შეიძლება საქართველომ აკრძალა აზერბაიჯანული პროდუქციის ტრანზიტი მის ტერიტორიაზე გავლით, ხოლო ბაქო ასე უხდის თბილისს სამაგიეროს. ჩვენ არ ვუჭერთ მხარს ამგვარ პოლიტიკას და ვთვლით, რომ მომხმარებელს უნდა ჰქონდეს არჩევანი," - აცხადებს აზერბაიჯანის თავისუფალ მომხმარებელთა კავშირის თავმჯდომარე ეიუბ ჰუსეინოვი.