სოფლის მეურნეობის მინისტრი შალვა ფიფია სამეგრელო-ზემო სვანეთის გუბერნატორს, მუნიციპალიტეტის გამგებლებსა და საკრებულოს თავმჯდომარეებს შეხვდა და „მცირემიწიან ფერმერთა 2014 წლის საგაზაფხულო სამუშაოების ხელშეწყობის პროექტი“ პირადადგააცნო.

სახელმწიფოს მხრიდან საგაზაფხულო სამუშაოების ხელშეწყობა და ყველაზე მნიშვნელოვან სამუშაოებში - ხვნის პროცესში მოსახლეობის დახმარება, მიზნად ისახავს მოსახლეობის სოფლისკენ მობრუნებას და მათ ხელშეწყობას. მნიშვნელოვანი სამუშაოების ჩატარების და ბენეფიციართა სიებში არსებული ხარვეზების აღმოფხვრის შემდეგ, 2014 წლის საგაზაფხულო სამუშაოების ხელშეწყობის პროექტით დაახლოებით 800,000-მდე მცირემიწიანი ფერმერი ისარგებლებს. წელს პროექტის ბენეფიციარები იქნებიან ფერმერები, რომელთაც საკუთრებაში ან ფაქტობრივ მფლობელობაში აქვთ 1.25 ჰა-ის ჩათვლით სასოფლო–სამეურნეო დანიშნულების მიწის ნაკვეთები“, - განაცხადა შალვა ფიფიამ.

სამეგრელო – ზემო სვანეთის რეგიონში „მცირემიწიანფერმერთა 2014 წლის საგაზაფხულო სამუშაოების ხელშეწყობის პროექტის“ ფარგლებში, წელს დახმარებას 97,579 ფერმერი მიიღებს.

სოფლის მეურნეობის სამინისტროსა და სოფლის მეურნეობის პროექტების მართვის სააგენტოს წარმომადგენლები საქართველოს ყველა რეგიონის ადგილობრივი თვითმმართველობის წარმომადგენლებს დეტალურად აცნობენ „მცირემიწიანფერმერთა 2014 წლის საგაზაფხულო სამუშაოების ხელშეწყობის პროექტს“, რათა პროექტის შესახებ ინფორმაცია მათ მიერ სწორად იქნას მიწოდებული მოსახლეობისთვის.

ზუგდიდში გამართულ შეხვედრას შალვა ფიფიასთან ერთად, ესწრებოდნენ სოფლის მეურნეობის მინისტრის მოადგილე დავით გალეგაშვილი, სოფლის მეურნეობის პროექტების მართვის სააგენტოს დირექტორის მოადგილე არჩილ ბუკია, საქართველოს გაერთიანებული სამელიორაციო სისტემების კომპანიის დირექტორი ვაჟა კირტავა, სამინისტროს რაიონული საინფორმაციო-საკონსულტაციო სამსახურებისა და სოფლის მეურნეობის პროექტების მართვის სააგენტოს წარმომადგენლები. შეხვედრაზე „მცირემიწიანფერმერთა 2014 წლის საგაზაფხულო სამუშაოების ხელშეწყობის პროექტის“ გარდა, განიხილეს გადამამუშავებელი საწარმოების თანადაფინანსების საკითხები, ასევე დასავლეთ საქართველოში მიმდინარე სადრენაჟე სამუშაოების საკითხები.

დასავლეთ საქართველოში მიმდინარე საინფორმაციო შეხვედრების პარალელურად, სოფლის მეურნეობის სამინისტროსა და სოფლის მეურნეობის პროექტების მართვის სააგენტოს თანამშრომლებმა აღმოსავლეთ საქართველოს რეგიონებში ბარათების დარიგების პროცესი უკვე დაიწყეს. პროექტის ბენეფიციართა კუთვნილი სასოფლო-სამეურნეო ბარათები მუნიციპალიტეტების გამგებლებს უკვე გადაეცათ დედოფლისწყაროს, სიღნაღის, გურჯაანის, საგარეჯოს, თელავის, მარნეულის, გარდაბანის და დმანისის მუნიციპალიტეტებში.