საქართველოს ეროვნული ბანკის პრეზიდენტი გიორგი ქადაგიძე ლარის კურსის გამყარებას ვარაუდობს. მისი განმარტებით, ის ფაქტორები, რომლებიც გავლენას ახდენდნენ ლარის გაუფასურებაზე ამოწურულია.

"კურსის მოკლევადიანი პროგნოზი უმადური საქმეა. ეს შეუძლებელიც კი არის, ვინაიდან ეკონომიკურ ფაქტორებთან ერთად მასზე გავლენას ახდენს მოლოდინებიც. რაც შეეხება საშუალოვადიან პროგნოზს, წმინდა ეკონომიკური ფაქტორები, რომელიც გავლენას ახდენდა ლარის გაუფასურების მიმართულებით, ამოწურულია, ან ძალიან ახლოს არის ამოწურვასთან, ამიტომ, ვინაიდან მიმდინარე ანგარიშის ფუნდამენტური დისბალანსის პრობლემა არ გვაქვს, საშუალოვადიან პერსპექტივაში ლარის კურსზე იქნება გამყარების ზეწოლა" , - განაცხადა ქადაგიძემ.