ვანის მუნიციპალიტეტის სოფელ შუამთაში მეორე დღეა დაკარგულ 6 წლის გოგონას ეძებენ. მამამ მაღაზიაში სიგარეტის საყიდლად 7 წლის ბიჭი და 6 წლის გოგო გაგაზავნა, სახლში კი მხოლოდ 7 წლის ბიჭი დაბრუნდა. მცირეწლოვანი ბიჭუნა ვერ იხსენებს რა მოხდა.

როგორც ვანის მუნიციპალიტეტის საკრებულოს თავმჯდომარის მოვალეობის შემსრულებელი გია ოჩხიკიძე აცხადებს, სავარაუდოდ ბავშვი მდინარე "ყუმურში" გადავარდა და ამ დრომდე მიმდინარეობს სამძებრო სამუშაოები.

“ამ წუთებში ადგილზე ვიმყოფები. იმერეთის საგანგებო და სამძებრო სამსახური მობილიზებულია. გადაკეტილი გვაქვს მდინარის თავი, თუმცა ერთადერთი გოგონას ქუდი ვნახეთ. გოგონას ძმა ხან ამბობს, რომ ის მდინარეში გადახტა, ხან კი ამბობს, რომ არ იცის სად ჩამორჩა მისი და“, - ამბობს ოჩხიკიძე.

ნოდარ ჯოჯუა „ნიუპოსტი“