ქუთაისში, პუშკინის ქუჩაზე გაჩენილი ხანძძრის შედეგად, ქუთაისის საოლქო საარჩევნო კომისიის შენობა დაიწვა. როგორც კომისიის თავმჯდომარე ავთანდილ ოსეფაიშვილი ამბობს, ხანძრის გაჩენის მიზეზები მისთვის უცნობია:

"გამორიცხულია, რომ ცეცხლი ელექტროენერგიას გაეჩინა. შენობიდან რომ გავდივარ ელექტროენერგია ავტომატურად ირთვება. შენობა მთლიანად დამწვარია, მხოლოდ კომპიუტერების გადარჩენა მოვასწარით,"–აღნიშნა ავთანდილ ოსეფაიშვილმა.

ხანძარსაწინააღმდეგო სამსახურის ხელმძღვანელი ალეკო ჩაკვეტაძე აცხადებს, რომ სამსახურში ხანძრის შესახებ შეტყობინება ღამის 4:30 წუთზე შევიდა, ამდრომდე მიმდინარეობს ცეცხლის ლოკალიზება.

"შეტყობინების მიღებიდან რამდენიმე წუთში ადგილზევე ვიყავით, დაგვეხმარა ხონის და სამტრედიის ჯგუფები.

მე ნამდვილად არ ვიცი რის გამო გაჩნდა ხანძარი, როგორც ვიცი მოგვიანებით გახდება ცხნობილი,"–განაცხადა ალეკო ჩაკვეტაძემ.