ძარცვა მოხდა ზუგდიდში. უცნობი მამაკაცი ვალუტის გადამცვლელი ჯიხურის თანამშრომელ ქალბატონს ოლია ტავლოვის საკუთარ სახლთან თავს დაესხა. თავში ბლაგვი საგანი ჩაარტყა და წაართვა ჩანთა, რომელშიც 3000 დოლარი და 2000 ლარი იყო:

„ბაზრიდან სახლში რომ დავბრუნდი, თავს უცნობი პირი დამესხა. წინააღმდეგობა გავუწიე და თავში ჩამარტყა, არ ვიცი ვინ იყო. წამართვა ჩანთა შიგნით 3 ათასი დოლარი და 2 ათასი ლარი იყო. სავარაუდოდ, ისინი მანამდე მითვალთვალებდნენ“, - აცხადებს დაზარალებული.

საქმეზე აღძრულია სისხლის სამართლის საქმე, პოლიციამ უკვე დაკითხა დაზარალებული.