გვიან ღამით წყლის ცენტრალური მილის დაზიანების შედეგად კნოლევის ქუჩაზე მდებარე სამი საცხოვრებელი სახლი დაიტბორა. წყალმა ორი სახლის საყრდენი კედელი ჩამოანგრია. არავინ დაშავებულა, თუმცა პირველი სართულების დატბორვის შედეგად საყოფაცხოვრებო ნივთები განადგურდა.

დაზარალებული მოსახლეობის განცხადებით, მილი რამდენიმე დღის წინ დაზიანდა, სამაშველო ჯგუფები წყალს შენობებიდან რამდენიმე საათის განმავლობაში ტუმბავდნენ.

შემთხვევის ადგილზე ნაძალადევის რაიონის გამგებელიც იმყოფებოდა, რომელიც მოსახლეობას დახმარებას დაპირდა.