მეტროსადგურ „ვარკეთილთან“, დაახლოებით ერთი საათის წინ ავტოსაგზაო შემთხვევა მოხდა: ავტომანქანა ქვეითად მოსიარულე გოგონას დაეჯახა. შემთხვევის შესახებ „ნიუპოსტს“ თვითმხილველმა შეატყობინა.

გოგონა მძიმედ დაშავდა:

მას, სავარაუდოდ, ორივე ფეხი აქვს მოტეხილი. ინფორმაცია „ნიუპოსტს“ შსს-ს საზოგადოებასთან ურთიერთობის დეპარტამენტის ხელმძღვანელმა ნინო გიორგობიანმა დაუდასტურა.

მისი თქმით, მძღოლს შემთხვევის ადგილი არ დაუტოვებია და დაზარალებული თავად გადაიყვანა კლინიკაში. ფაქტთან დაკავშირებით აღძრულია სისხლის სამართლის საქმე.