უდიდესი ტრაგედია - საქართველოში კოვიდინფიცირებული მე-11 ორსული ქალი გარდაიცვალა.

თბილისში, 19 წლის კოვიდინფიცირებული ორსული მშობიარობის შემდეგ გარდაიცვალა. ახალგაზრდა ქალი ბოკერიას კლინიკაში მკურნალობდა.

როგორც კლინიკაში აცხადებენ, 36 კვირის ორსული მათთან 30 ივლისს, მძიმე მდგომარეობაში შეიყვანეს. მისი მდგომარეობა 1 აგვისტოს უფრო დამძიმდა, რის გამოც საკეისრო კვეთა ჩაუტარდა. მას შემდეგ ის რეანიმაციაში იმყოფებოდა, ხოლო გასულ ღამით გარდაიცვალა.

ექიმების ცნობით, ახალშობილის მდგომარეობა დამაკმაყოფილებელია და მის სიცოცხლეს საფრთხე არ ემუქრება.

ახალგაზრდა ქალი, სავარაუდოდ, აცრილი არ იყო.