ირაკლი ღარიბაშვილი ამბობს, რომ ოპოზიციის პროვოკაციას არ წამოეგებიან და არჩევნებს არ გადადებენ. პრემიერი თავს ესხმის სახალხო დამცველს და ამბობს, რომ ომბუდსმენის ინსტიტუტი ოპონენტებმა გამოიყენეს.

"გუშინ დაიწყეს აჟიოტაჟი, იციან რა, რომ სასტიკად მარცხდებიან ყველა მუნიციპალიტეტში ე.წ. ოპოზიცია და ოპონენტები, დაიწყეს საუბარი, ხომ არ გადავდოთ არჩევნები და ამისთვის გამოიყენეს სახალხო დამცველის ინსტიტუტი და გამოვიდა ქალბატონი ნინო, რომ მივმართავ პრემიერს იქნებ შემოიღოს საგანგებო მდგომარეობა, რაც ავტომატურად გამოიწვევს არჩევნების გადადებას. ეს, რა თქმა უნდა, არის პირდაპირ ნაციონალების მიერ შემუშავებული გეგმა და ამ მარტივ პროვოკაციაზე არ წავყვებით და არჩევნები ჩატარდება და ქართული ოცნება გაიმარჯვებს", - განაცხადა ღარიბაშვილმა.