ხანგრძლივი დუმილისა და პაუზის შემდეგ ირაკლი კობახიძე გამოჩნდა - "ქართული ოცნების" თავმჯდომარემ პირველი განცხადება არჩევნების შესაძლო გადადებასთან დაკავშირებით გააკეთა.

კობახიძეს ჩვეული ტონი არ დაუკარგავს და მან სახალხო დამცველი, ნინო ლომჯარია, ნაციონალური მოძრობის ინტერესების გატარებაში დაადანაშაულა

მისივე თქმით, არჩევნების გადადების ერთადერთი მექანიზმის საგანგებო მდგომარეობაა.

"თვითმმართველობის არჩევნების გადადების ერთადერთი სამართლებრივი მექანიზმი არსებობს, ეს არის საგანგებო მდგომარეობის გამოცხადება და როცა სახალხო დამცველი საუბრობს საგანგებო მდგომარეობის გამოცხადებაზე, ეს თავისთავად უკვე ანომალიაა...

ეს არის შიშის გამოხატულება არჩევნების მიმართ, ჩვენ ასეთი კამპანია გვახსოვს გასულ წელსაც. ეს კამპანია მაშინაც ნინო ლომჯარიამ დაიწყო, შემდეგ „სირცხვილიამ“ გააგრძელა, ამ შემთხვევაშიც, კიდევ ერთხელ დაიწყო ნინო ლომჯარიამ და „სირცხვილიადან“ მიშა მშვილდაძემ გააგრძელა. რა თქმა უნდა, ეს ყველაფერი ნიშანდობლივია და მეტყველებს იმაზე, რომ „ნაციონალურ მოძრაობას“ ძალიან ეშინია იმ არჩევნების, რომელიც კარს მომდგარია. 2020 წელს, ეს კამპანია ერთ დღეს დაიწყო და მაშინ, სამწუხაროდ, სახალხო დამცველმა გახსნა, დღესაც მან გახსნა, რაც ცუდი მოვლენაა. ყველა უნდა მოემზადოს არჩევნებისთვის და საზოგადოებას აჩვენონ, რისი რესურსი აქვთ“, - განაცხადა კობახიძემ.