ჯანდაცვის მინისტრის მოადგილის, თამარ გაბუნიას განცხადებით, არჩევნების გადადებასთან დაკავშირებით სამინისტრო რეკომენდაციას არ გასცემს იმ დაშვებით, რომ არჩევნები უსაფრთხო გარემოში ჩატარდება.

მისივე თქმით, მოქმედი რეგულაციები კორონავირუსისგან კარგი დაცვის საშუალებას იძლევა და მთავარია, მათი აღსრულება.

გაბუნიამ ასევე აღნიშნა, რომ სამინისტრო უფრო სწრაფი ვაქცინაციისთვის ცესკოსთანაც მუშაობს.

"დაავადებათა კონტროლის ცენტრი და ჯანდაცვის სამინისტრო ასეთ რეკომენდაციას არ გასცემს, იმ დაშვებით, რომ წესები, რომლებიც უსაფრთხო არჩევნების ჩატარებისთვის მოქმედებს, იძლევა ძალიან კარგი დაცვის საშუალებას. მთავარია ისევ აღსრულების პრინციპი",- თქვა თამარ გაბუნიამ.

ცნობისთვის, არჩევნების გადადების ინიციატივით კი არსებული ეპიდვითარებიდან გამომდინარე, სახალხო დამცველი გამოვიდა.