საბურთალოზე, ქავთარაძის ქუჩაზე მდებარე სისხლის ბანკის შენობაში,კიდევ ერთი საველე ჰოსპიტალი მოეწყო - ჰოსპიტალი 200 საწოლზეა გათვლილი და მსუბუქ და საშუალო სიმძიმის პაციენტებს მიიღებს.

მუშაობის პირველივე დღეს ჰოსპიტალში 50-მდე პაციენტი მიიღეს და მათი უმრავლესობა ჟანგბადდამოკიდებულია.

"ეტაპობრივად ხდება საწოლების მობილიზება, პალატების უზრუნველყოფა და პაციენტების დამატებით მიღება. გუშინ მოხდა 1 პაციენტის რეფერალი, სხვა კლინიკაში გადაყვანა მდგომარეობის გაუარესების გამო",- აცხადებენ საბურთალოს საველე ჰოსპიტალში.

ცნობისთვის, პირველი საველე ჰოსპიტალი 1 კვირის წინ დიღმის ოლიმპიურ სოფელში მოეწყო და იქ უკვე 100-ზე კოვიდინფიცირებული პაციენტი მკურნალობს.