სოფელ რუისის მკვიდრს, 20 წლის დავით გოგინაშვილს მაშველები მერვე დღეა, უშედეგოდ ეძებენ.

იგი 13 დეკემბერს, ნადირობისას მდინარე მტკვარში შემთხვევით ჩავარდა და ძლიერმა დინებამ წაიღო. შიდა ქართლის სამაშველო სამსახურის თანამშრომლები მყვინთავებთან ერთად მტკვარში სამძებრო სამუშაოებს ამ დრომდე აწარმოებენ.

„ნიუპოსტთან" საუბრისას შიდა ქართლის სამაშველო სამსახურის ხელმძღვანელი კახა ლომიძე ამბობს:

„უკვე მერვე დღეა, რაც მიმდინარეობსა სამძებრო სამუშაოები. სოფელ რუისიდან დაკარგულია 20 წლის დავით გოგინაშვილი. სავარაუდოდ წყალში შევიდა და წყალმა წაიღო, ამის შედეგად მიმდინარეობს სამძებრო სამუშაოები გადაკეტილი იქნა მტკვრის კალაპოტი, გვეხმარებოდა შსს საგანგებო სიტუაციების დეპარტამენტი, მყვინთავთა ჯგუფი.

მაგრამ უკვე რვა დღეა, უშედეგოდ მიდის სამუშაოები და ჯერ კიდევ ნაპოვნი არაა ბავშვი. მცხეთასთან დავკეტეთ ჰესი, თუმცა ცხედარი ვერც იქ ვიპოვეთ, ეხლა ვაგრძელებთ სამუშაოებს, რაც შეგვიძლია ყველაფერს ვაკეთებთ რათა ვიპოვოთ..."

20 წლის დავით გოგინაშვილს მეუღლე და მცირეწლოვანი შვილი ჰყავს.

გიორგი ახალკაცი, "ნიუპოსტი", გორი