აქცია აჭარის მთავრობის სახლთან - ურეხის თავშესაფარში მცხოვრები ბენეფიციარები შეიკრიბნენ და თავშესაფარში არსებული გაუსაძლისი მდგომარეობა გააპროტესტეს.

მათი თქმით, თავშესაფარში არ არსებობს საყოფაცხოვრებო პირობები, არ არის სამედიცინო მომსახურება. ბენეფიციარებსა და ადმინისტრაციას შორის კი მუდმივად ხმაურია. პრეტენზიის გამოთქმის შემთხვევაში მათ თავშესაფრიდან გაგდებით ემუქრებიან.

აქციის მონაწილეები ალტერნატიული ფართის გამოყოფას ითხოვენ. ამბობენ, რომ თუ მათი მოთხოვნა არ დაკმაყოფილდება, პროტესტის უკიდურეს ზომას, შიმშილობას მიმართავენ.