"როდისღა უნდა მივხვდეთ, რომ ომში ვართ" - რას წერს ბოჭორიშვილის კლინიკის დირექტორი დავით გადელია

სოც.მედია - 23:06, 21 Aug, 2021

2135

ბოჭორიშვილის კლინიკის დირექტორი დავით გადელია სოციალურ ქსელში პოსტს აქვეყნებს:

"შარშან, წლის ბოლოს, 23 დეკემბერს ვესტუმრე ტელევიზიაში ძალიან ჭკვიან და სიკეთით სავსე ადამიანს, ბუბა ხოტივარს და ხანგრძლივი საეთერო საუბარი გამოგვივიდა. სხვა საკითხებთან ერთად, ცხადია მთავარს, პანდემიასაც შევეხეთ და როცა ვთქვი: "ომში ისე უნდა მოვიქცეთ, როგორც ომის დროს იქცევიან"- მეთქი, რუსულ ენაზე გაიმეორა: "на войне, как на войне! - რათ უნდა ამას მტკიცება, როდისღა უნდა მივხვდეთ!"-ო... სამწუხაროდ, ეს შესანიშნავი ადამიანი ამ ომში დაიღუპა... დღეს რომ გავიგე გარდაცვლილთა რიცხვი, სწორედ მისი სიტყვები გამახსენდა! როდისღა უნდა მივხვდეთ, რომ ომში ვართ!!? რამდენი უნდა იყოს ამ ომში დახოცილი და დაავადებული (იგულისხმეთ- დაჭრილი) რომ მივხვდეთ ისეთი წესები დავუწესოთ ერთმანეთს, როგორც ომშია?... ძველ დროში, როცა პროფილაქტიკის ბევრი არაფერი საშუალება იყო, ისეთი საოცარი, გულის გამაციებელი წესები ჰქონდათ თვითგაწირვის, ცხოვრებიდან თვითგანსვლის, რომ ახლაც მაჟრჟოლებს! იცოდა ჩვენმა წინაპარმა, რომ ომი იყო უხილავ მტერთან და თავს სწირავდა, თვისტომის, ზოგადად კი- სახეობის გადასარჩენად. საბედნიეროდ, ახლა არაა ამის აუცილებლობა, მაგრამ ის არცთუ რთული წესები მაინც დავუწესოთ ერთმანეთს! ისეთი სიმკაცრით და გარდაუვალობით, როგორც ეს ომს შეეფერება! ნუ მივაჩვევთ თვალს და აზრს დეზერტირებს, მეხუთე კოლონას ნურც ამ და ნურც სხვა-ხილულ მტერთან ომის დროს!"