ჯანდაცვის მინისტრის მოადგილემ, თამარ გაბუნიამ, განაცხადა რომ ორსულებში Pfizer-ით ვაქცინაცია არის სრულიად უსაფრთხო.

ამდენად, მისივე თქმით, ყველა ორსული რაც შეიძლება სწრაფად უნდა ჩაერთოს ვაქცინაციის პროცესში.

"[ორსულების ვაქცინაციაზე] დიდი ხანია იყო აზრთა სხვადასხვაობა, დღეს, რაც ნამდვილად შემიძლია ვთქვა, არის ის, რომ ორსულებში Pfizer-ით ვაქცინაცია არის სრულიად უსაფრთხო. ამდენად, ყველა ორსული რაც შეიძლება სწრაფად უნდა ჩაერთოს ვაქცინაციის პროცესში.

იქიდან გამომდინარე, რომ გამოცდილება ნაკლებია, ჯერჯერობით მონაცემით მწირია, არ არის გასაკვირი, რომ ზოგიერთმა ექიმმა გარკვეული კითხვის ნიშანი დაუსვას ვაქცინაციის ჩატარება არ ჩატარების საკითხს, მაგრამ მინდა ხაზგასმით ვთქვა, რომ Pfizer-ის ვაქცინა ყველა ორსულმა უნდა ჩაიტაროს და რაც სწრაფად გააკეთებს ამას, უკეთესია" , - განაცხადა გაბუნიამ.