ჟურნალისტი ლაშა ბერულავა რუს ტურსისტზე მეხის დაცემის ისტორიას იხსენებს, რომელიც ერთი დღით ადრე, ჟურნალისტს დაემგზავრა და ტექნიკური ინვენტარი მოპარა.

„ძალიან უსინდისო იყო ის მეხი, ცხვრებს რომ დაეცა... ამას იმიტომ ვამბობ, რომ სამართლიანი მეხიც არსებობს: სამი წლის წინ, ზუგდიდიდან თბილისში მარტო მოვდიოდი და სენაკიდან რუსულენოვანი ტურისტი დავიმგზავრე. უკრაინელი ვარო, მითხრა, გადავყევი თან: ინტერნეტი, ლეპტოპი, დამტენი ჩემო ბატონო, 12-დან 220 ვოლტზე გადამყანი. იგულავა, მოკლედ. გუდაურის გადასახვევთან ჩამოვიდა, სტეფაწინდაში მივდივარო, იქაც, ავტობანის მეორე მხარეს გადავიყვანე, მერე ნატახტარის გზაზე და სანამ არ ჩაჯდა ტრანსპორტში, არ დავძრულვარ. დავბრუნდი მანქანაში და, სადაა ჩემი ორი USB. კაი, ერთი გაჰყვა შემთხვევით, მაგრამ ორი? აჰ, არა, არა... მაშინვე მივხვდი, რუსი იქნებოდა...

მეორე დღეს კი ვკითხულობ ჰედლაინს: "სტეფანწმინდაში რუს ტურისტს მეხი დაეცა" და ფოტოზე აგერ, ეს ჯიგიტი არაა საკაცეზე გაჯგიმული? მყინვარის დალაშქვრა მოუნდომებია ბიჭს...“ - წერს ლაშა ბერულავა.

ცნობისათვის შემთხვევა 2018 წელს მოხდა.